Now we are on YouTube!!!

Please subscribe my YouTube Channel to enjoy latest viral funny jokes.
If you like my blog & Youtube channel, please consider checking out, subscribing & sharing it. Click link to checkout>>>. हसून हसून

31 August 2011

२५ पैशांचं दुर्दैव

भारत सरकारने २५ पैशांचं नाणं चलनातून का काढून टाकलं माहितीये???

अहो, त्यामागे लय मोठी कहाणी हाये...

या निर्णयामागचं कारण असं, की राहुल गांधींनी सरकारला एक सूचना (आज्ञा) केली.

त्यात म्हटले होते की -

"साला आपण लोक एका अण्णाला (अण्णा हजारेंना) सांभाळू शकत नाही, तिथे हे चार अण्णा (चार आणे म्हणजे २५ पैसे) कसे काय सांभाळणार? त्यापेक्षा नको ती कटकट...काढून टाका ते चलनातून."

29 August 2011

भ्रष्टाचार थांबवा !!!

एका माणसाने अण्णा हजारेंना विचारले, "अण्णा, कफन को जेब क्युं नही होती?"

अण्णा : क्यों की मौत भी कभी रिश्वत नही लेती...

26 August 2011

अकलेचं औषध

गावच्या आठवडे बाजारात एक व्यापारी आपला माल खपवत असतो. त्याची ही तर्‍हा वेगळीच असते.

व्यापारी : अक्कल वाढवायचं औषध घ्या, फक्त ५ रुपये, फक्त ५ रुपये, चला, चला, चला...लवकर घ्या, अक्कल वाढवा...फक्त ५ रुपये.

अनेक लोक हे अनोखं औषध पाहून व्यापार्‍याकडं यायचे.

त्यातलीच बाजार करायला आलेली एक व्यक्ती : ह्यानी खरोखरंच अक्कल वाढती का माणसाची???

व्यापारी : शंभर टक्के. एकदा घेऊन बघा. गुण नाही आला तर पैसे परत.

व्यक्ती : असं म्हणता, मग द्या बरं मला.

व्यापारी त्याला ५ रुपयाचं औषध देतो.

व्यक्ती : च्यामारी ssss हा तर गूळ हाय की.

व्यापारी : बघा औषध खाताच अक्कल आली का न्हाय???



07 August 2011

म्हणजे...वाघाचे पंजे

१. एखाद्याने तुम्हाला "तुम्ही मूर्ख आहात" असं समजण्यापेक्षा तुम्ही तुमचं तोंड उघडून ते त्याला सिद्धच करून दाखवलेलं बरं.

२. मी शक्यतो कुणा व्यक्तीचा एकदा पाहिलेला चेहरा विसरू शकत नाही...तुझा अपवाद सोडल्यास.

३. सिगारेट म्हणजे : एका तोंडाला एका वळकुटी केलेल्या कागदात एक चुटकीभर तंबाखू जी पेटवलेली असते आणि दुसर्‍या तोंडाला ती ओढण्यासाठी पेटलेला एक मूर्ख असतो.

४. घटस्फोट म्हणजे : लग्न या शब्दाचा भूतकाळ होय.

५. कॉन्फरन्स म्हणजे : एका व्यक्तीचं कंफ्यूजन गुणिले उपस्थित असलेले लोक.

६. डिक्शनरी म्हणजे : जिथे घटस्फोट (Divorce) हा शब्द विवाहाच्या (Marriage) अगोदर असतो.

७. etc : हा शब्द असा आहे की तुम्ही जेव्हा जेव्हा तो वापराल, इतरांना वाटेल की तुम्हाला खूप काही माहिती आहे (त्यांना वाटते त्यापेक्षा).

८. एटम बॉम्ब : निर्माण केलेलं सर्व काही संपवण्यासाठी निर्माण केलेली एक निर्मिती.

९. संधीसाधू : एक अशी व्यक्ती जी चुकीने नदीत पडते, परंतु त्याचा फायदा घेऊन आंघोळ करून बाहेर येते.

१०. गुन्हेगार : जनमानसातलीच इतरांसारखी एक व्यक्ती, फक्त ती पकडली जाते...एवढाच एक अपवाद.

११. बॉस : एक अशी व्यक्ती जी तुम्ही लवकर आला तर ती उशिरा येते आणि तुम्ही उशिरा आलात तर ती लवकर आलेली असते.

१२. पुढारी : जो निवडणुकीआधी तुमच्या हातात हात देऊन हलवतो आणि निवडणुकीनंतर तुमचा आत्मविश्वास हलवतो.



06 August 2011

सोनिया : लष्करी जवान

सोनिया गांधींना एक दिवस बंदूक कशी चालवायची याचं प्रशिक्षण घेण्याची लहर येते.

लष्कराचा एक अधिकारी यासाठी नियुक्त केला जातो.

अधिकारी सोनियांना बंदूक देतो.

सोनिया : बंदुकीची नळी समोरच्या दिशेने धरायची की उलटी?

अधिकारी : कशीही धरा, फायदा भारताचाच होईल.


05 August 2011

न्हाव्याचं कौशल्य आणि ग्राहकाचं शल्य


एकजण दाढी करायला न्हाव्याच्या दुकानात जातो.

न्हावी एकदम धारदार वस्तरा घेऊन एकदम जोशमध्ये अतिशय कौशल्याने ग्राहकाच्या चेहर्‍यावर फिरवत असतो. ग्राहक जीव मुठीत धरून बसलेला असतो.

दाढी करत असताना ग्राहकाशी बोलता बोलता तो विचारतो, "तुम्ही किती भाऊ आहात?"

ग्राहक : तुमच्या वस्तर्‍यापासून सहीसलामत वाचलो तर चार नाहीतर तीनच आहेत असं समजा.



04 August 2011

प्राध्यापकांचं लॉजिक

प्राध्यापक : (आपल्या मित्रास) तू रिकाम्या पोटी किती चपात्या खाऊ शकशील?

मित्र : अं ssss ६ ते ७.

प्राध्यापक : चूक. तू १ जरी चपाती खाल्ली तरी तुझं पोट रिकामं कसं राहील?



03 August 2011

मोबदला



बायको : अहो, मी जर तुम्हाला स्वयंपाकघरात जाऊ देणार नाही आजपासून. मी तुम्हाला माझ्या हातचं जेवण खाऊ घालणार.

नवरा गोंधळून जातो की आज काय झालं हिला असं अचानक?

बायको : हो, पण त्याबदल्यात मला काय मिळेल?

नवरा : माझ्या विम्याचे पैसे विमा कंपनी अगदी घरी आणून देईन तुला.



02 August 2011

व्यवसाय


एकजण कुत्री विकायचा व्यवसाय करत असतो.

दुकानदार : (ग्राहकास) हा कुत्रा तुम्हाला काय पाहिजे ते देतो.

ग्राहक : मग तुम्ही त्याला का विकत आहात?

दुकानदार : काय सांगू? हरामखोर ssss एका रात्री तो कंदील घेऊन चोरट्यांना रस्ता दाखवत होता.


01 August 2011

दलबदलू

एकदा फायरब्रिगेडच्या कार्यालयात एका आमदाराचा फोन येतो.

आमदार : अहो, लवकर या. आमच्या पक्षकार्यालयाला आग लागली आहे.

फायरब्रिगेडच्या गाड्या निघण्याच्या तयारीत असतानाच पुन्हा त्या आमदाराचा फोन येतो.

आमदार : अहो, तुम्हाला जमेल तेव्हा या. घाई करण्याची अजिबात आवश्यकता नाही. मी आता तो पक्ष सोडलेला आहे.


मराठी म्हणींचा शोध

गीता आपल्या कारनी शहराबाहेर ड्राईव्ह करत होती. 🚗🚗🚗🚗 मोकळा सुंदर रस्ता, सुर्यास्ताची वेळ, थंड हवा. मग काय !  गाडी सुसाट !! 🚗🚗🚗🚗 : आणि...